注重身型嘅你哋一定都會有測量體重的習慣，但係始終淨係睇體重唔夠精準⚖️，增肌減脂加減之後，體重表面上都冇郁過，所以無論係透過家用嘅體脂計定係 InBody，都要定期測量，確認身體狀態。
不過問題嚟啦，市售嘅家用體脂計係咪真係準確🧐？InBody 嗰堆數據同圖表分析📊，到底知嚟有咩用？跟住我哋一齊了解多啲啦！
體重磅係呃你嘅？
如果你想開始減肥，一般都會磅咗重先，但努力後見體重無咩變化，好容易就會放棄。其實單純睇體重係唔夠架。體重只可以話到你知身體嘅總重量，但顯示唔到你有幾多脂肪或者肌肉。
有時你可能係增肌減脂，變得更纖瘦，但係體重不變，因為肌肉嘅密度比脂肪更高。所以如果淨係睇體重數字，有機會令你缺乏動力。
你屋企可能會有測脂機，但係佢哋遠遠不及 InBody 身體成份分析儀精準。因為手提式測脂機只著重測量上半身，而站立式測脂機只著重測量腿部，讀數對了解身體成份嘅作用不大。
InBody 更準確係因為佢可以測量到你整個身體嘅各項成份。InBody 快速方便之餘，仲提供全面嘅分析同報告，清楚指出你需要針對邊方面嚟改善您嘅體脂、肌肉量同新陳代謝。
Inbody嘅數據知嚟有咩用？
助你分辨減脂或增肌計劃有冇成功
透過 InBody 嘅分析報告就可以 100% 肯定你呢段時間有冇成功減到脂或者增肌。
你唔單只可以清楚睇到依加有幾多肌肉量同體脂，仲會指出你嘅身體成份有冇達到健康水平。
助你計劃之後嘅訓練方式
InBody會標明你身體各部分嘅肌肉量，從而分析到肌肉量係咪足以支援你嘅身體健康，同埋有冇唔平衡嘅問題。
有咗呢啲精準分析，下一步就可以按照身體需要去計劃最有效益嘅訓練。
助你檢查新陳代謝率
睇下你嘅新陳代謝係屬於快定慢。
肌肉量嘅多少有可能影響到新陳代謝率，所以 InBody 亦會將新陳代謝計算在內。
助你訂立明確目標，定時查看訓練進度
一個明確目標係成功嘅關鍵，隨住訓練嘅時間、進度，須定時觀察同調整鍛鍊計劃以取得進步。
BC 24全線會所都設有InBody分析儀，會員仲唔快啲搵會所職員做免費測試？
