#新手重訓基礎系列?
呼吸係人類與生俱來嘅自然反應，但係你又有冇留意過自己重訓時嘅呼吸呢？訓練唔單只講求技巧，呼吸方式都同樣重要。如果你好容易做一陣就上氣唔接下氣，咁好可能係因為你嘅呼吸節奏唔夠規律所導致。不過放心啦，我哋今次會介紹兩種重訓時可以用嘅簡單呼吸技巧，大家睇完都不妨檢視下自己平時重訓嘅呼吸方式，如果有咩問題，可以搵番我哋BC24嘅專業教練協助。
可能新手啱啱開始接觸重量訓練，都會有個煩惱－每下動作應該點樣協調呼吸？
唔洗擔心，呼吸可以簡單分為兩種，適用於中低強度同埋高強度嘅訓練。不過你可能會問：點解協調呼吸咁重要啊？睇到最後你就知。
中低強度
離心收縮時吸氣，向心收縮時呼氣。
以二頭彎舉（Bicep curl）為例，用力舉起重量時應該呼氣，重量回歸起點時就吸氣，新手或者對呼吸方式唔熟練嘅話都可以試下呢種呼吸法。
高強度
面對高負重、高強度嘅訓練，我哋就要用到進階嘅伐式呼吸法。
動作開始前吸氣，過程中保持閉氣或控制出氣速度，完成動作先呼氣。
伐式呼吸法有助於
?增加腹內壓力
?透過核心肌群發力保持脊椎穩定，減低受傷風險
?加強力量，舉起更重負荷
但需要小心，如果操作不當好容易會導致缺氧、頭暈嘅情況。
