R.I.C.E.
休息（Rest）- 冰敷（Ice）- 加壓（Compression）- 抬高（Elevation）
R.I.C.E. 療法係一個喺1978年，由Gabe Mirkin博士喺運動醫學雜誌（The Sports Medicine Book）中提出嘅理論，主要處理急性運動傷害，以抑制發炎腫脹、加快恢復為目的。
但係大量研究表明，受傷後休息同冰敷唔單只冇促進恢復，反而仲會延緩恢復，甚至會損害組織。
提出 R.I.C.E. 療法嘅 Gabe 博士亦已推翻自己喺 1978 年嘅論述，加上截至現時為止嘅研究同證據，都證明 R.I.C.E. 療法辦法幫助恢復。
咁受傷應該要做啲咩嚟代替 R.I.C.E. 療法？
P.O.L.I.C.E. 療法
保護（Protect）- 適當負荷（Optimal loading）- 冰敷（Ice）－壓迫（Compression）- 抬高（Elevation）
與其咩都唔做，淨係靜靜地休息，不如喺唔痛嘅情況下儘快開始運動。
低強度嘅活動度訓練就係其中一個選擇，全方位啟動你嘅身體。
積極恢復
對於輕傷，如果冇乜點痛，第二日就可以開始恢復正常活動，開始康復訓練。但係如果傷勢嚴重，最好都係聽從醫生建議，再進行康復治療。
透過積極恢復，受影響組織嘅收縮可以促進血液同淋巴嘅循環，從而將代謝廢物排出該區域，炎症消退後就可以成功進入下一個恢復階段。
R.I.C.E. 療法已經係一個過時嘅傳說，除非醫生另有建議，否則就應該儘快喺可承受嘅範圍內活動，或者進行無痛嘅全方位運動啦。
