想擁有完美身型🧍🏻♂️，結實嘅胸肌係必不可少，更係唔少健身友一直追求嘅目標🫵🏻臥推除咗係最經典嘅胸肌訓練動作，同時亦係三大力量訓練動作之一，動作上有好多種變化，例如係手嘅握距，都會影響到你訓練緊邊嚿肌肉。
今日我哋就整理咗5️⃣個臥推嘅小技巧，助你提高胸肌感受度⬆️，達到最強增肌效果🔥！呢啲可以令訓練更有效率嘅貼士你又點可以唔知？😏
做臥推增強胸肌時，同普通重訓時相比，你嘅配置同練習方式會有所不同。
以下係以臥推增強胸肌嘅 5 個技巧。
#1 將雙腳懸空
如果想盡可能用多啲胸肌，可以將雙腳懸空，避免用咗腿部力量驅動。
#2 唔好拱起下背
下背同長櫈之間要幾乎冇空隙，進一步削弱由下半身產生嘅力量，集中訓練胸肌。
#3 肩胛骨可以稍微放鬆
臥推時，肩胛骨需要一直夾實保持穩定，但係如果想胸肌盡可能完全收縮，達到增肌效果，肩胛骨喺推到最盡嘅時候可以稍微放鬆。
#4 手踭打開
與其成個動作都將手臂維持垂直90嚟做，不如考慮下放嘅時候將手踭盡量打開，做到肩外展，增加胸肌參與度。
#5 放慢速度，喺底部停頓
當你將槓鈴放喺胸前時，唔好即刻推起，應該放慢速度，確保訓練期間力度平均，用番胸肌嘅力去完成動作。
