明明自問已經同時控制飲食同做運動，但係每次都減肥失敗🫠？其實減脂最緊要係「對症下藥」🧐，如果用錯方法反而會事倍功半、得不償失😰！
跟住我哋一齊釐清呢6️⃣個減肥陷阱，就可以練出理想嘅Summer Body啦☀️！
想要成功減脂其實好難，有時就算你覺得自己做啱哂所有嘢／維持運動習慣同配合飲食，都有機會因為一件小事，無意中影響到你減肥嘅效果。
即刻跟住我地一齊嚟睇下，乖乖減肥都係失敗嘅 6 個常見原因啦。
#太落力鍛煉
鍛煉完攰到根本無辦法做其他事，全日活動量減少，自然每日卡路里嘅總消耗量就會減低啦。
#以為食得健康就足夠
淨係食「健康」嘅食物就可以放縱，食幾多都依然可以減到肥？
咁就錯啦！其實你依然要留意住卡路里嘅總攝入量架。
#飲食過於節制
逼得自己太緊，戒哂所有垃圾食品，甚至開始生酮飲食或純素飲食，到最後發現無辦法再抗拒美食嘅誘惑，就會一發不可收拾，控制唔住出現暴食嘅情況。
#睡眠時間≤5 小時
當夜晚睡眠時間不足 5 小時嘅時候，第二天燃燒到嘅脂肪就會減少，亦會導致饑餓感上升，令你更想食嘢，更難堅持節食。
#覺得體重下降就等於減脂
其實唔一定。
對體重嘅錯誤認知好容易會令你喺體重冇下降，或者下降得唔夠快嘅時候，就想放棄或者暴飲暴食。
#相信機器顯示燃燒咗嘅卡路里
運動器材話你知你消耗咗 800 卡路里，你就會有800 卡路里嘅額度食嘢？
大錯特錯！健身器械同運動追蹤器實質上冇咁準，可能會有 20-30% 嘅誤差架。
