近年大熱嘅瘦身方法－生酮飲食🥩，好處就係唔洗捱餓戒口，又可以攝取足夠嘅蛋白質🥚，算係相對比較容易持續進行嘅飲食減肥法🕒。想知道自己適唔適合？今次就等我哋嚟拆解生酮飲食嘅原理😉，同埋體重能夠成功下降嘅原因啦⬇️！
生酮飲食適合需要為咗比賽快速減肥，或者想見到自己體重快速下降，以維持減肥動力嘅人。
簡單嚟講，生酮飲食即係高脂、低碳水嘅飲食方法，目的就係令身體進入酮症狀態，選用脂肪作為主要燃料，而唔係碳水化合物。
*此非飲食建議，改變飲食方式前請諮詢營養師或醫生。
每天攝入≤50克碳水化合物
碳水化合物例子
🍌水果
🍝意粉
🥔澱粉類蔬菜
🧂糖
🍜麵
🍚飯
另外亦都包括麵包、麥片、梳打水、糖果同任何含糖量高嘅食物。
生酮飲食原理
開始生酮飲食後你嘅身體會發生以下變化：
💦水分充足 -> 脫水
🍬糖原（碳水化合物）儲存量高 -> 糖原（碳水化合物）儲存量低
當你限制碳水化合物攝入量 (每天≤50 克），或者身體處於熱量赤字，你會燃燒脂肪，釋放酮體，就會減走所謂嘅濕重。
酮體會將水排出體外，令你變成脫水狀態。
如果採用生酮飲食法一個禮拜，你大概可以減走1-5 公斤嘅濕重。
體重下降 VS 減脂？
如果你想體重快速下降嘅話，生酮飲食都不失為一種有用嘅短期方法。但係你係想減脂嘅話，就要一直維持熱量赤字，熱量攝入量比身體所需嘅少先得，而生酮飲食嘅其中一個好處就係可以減低饑餓感，有助你減少食物攝取。
不過，生酮飲食並唔適合所有人，尤其係嗰啲好鍾意食飯嘅人。
