#新手重訓基礎系列🤓
點解一般人同高手練一樣嘅動作同重量，效果就係會唔同🧐？關鍵就在於訓練嘅節奏🌟。
重訓除咗要保持正確嘅姿勢之外，仲要留意節奏嘅控制⏲️，每一下動作都有固定的速度，咁先可以確保動作嘅品質，令訓練效果加倍💪🏻。繼續睇落去，睇下自己適合慢速定係快速啦！
每一下負重動作嘅方式同速度，即係訓練節奏，通常會用四位數或三位數表示。
可能你會以為第一個數字係用力將重量推出去／拉入嚟、肌肉縮短嘅時間，亦即係所謂嘅向心收縮階段，但其實唔係。
第一個數字係代表你將重量回歸起點、肌肉拉長時嘅時間，即離心收縮階段。
3-1-3-1 或 3-1-3
動作係由呢度開始
以深蹲為例
| 3秒 | 1秒 | 3秒 | 1秒 |
| 離心收縮階段 | 肌肉完全拉長 | 向心收縮階段 | 肌肉完全收縮 |
| 由下蹲姿勢到站立姿勢所用嘅時間 | 蹲低後停頓嘅秒數 | 由站立姿勢到下蹲姿勢所用嘅時間 | 每下之間休息、保持站立姿勢嘅時間 |
呢啲數字都代表住完成訓練動作嘅每一個階段要用幾多時間，助你有效達到理想目標。
以引體上升為例
| 3 | 用 3 秒時間拉長肌肉 |
| 0 | 冇停頓，直接開始動作 |
| 1 | 用1 秒時間收縮肌肉拉起，達到上升位置 |
| 1 | 停留1 秒，令肌肉處於完全收縮狀態 |
點樣決定訓練節奏？
訓練節奏要根據你嘅目標同能力嚟決定，最緊要完成動作期間力度要平均。
如果你係健身新手／對動作唔熟悉嘅話，會比較適合慢啲嘅節奏，著重感受肌肉發力嘅同時，提升穩定度同肌力。
想增肌嘅話，最好採用慢節奏、連貫咁完成動作。
如果你係想提高速度同力量嘅話，就需要加快完成動作嘅速度，增加離心時間。
知道咗訓練節奏係咩嚟，就可以應用喺任何訓練入面啦。
