近年人們對健康越發注重⭐，成功掀起咗健身重訓嘅風潮🌬️，但係好多人對重訓嘅印象仲停留喺增肌減脂💪🏻🔥為目的。事實上，重訓帶嚟嘅好處「舉」不勝「舉」🏋🏻♀️，除咗可以令體態加分💯之外，對健康更加有莫大嘅幫助。繼續睇落去就知具體有咩好處啦~
1. 減少腹部脂肪
腹部內臟脂肪越多，患心臟血管疾病嘅風險就越大。相比起帶氧運動，重量訓練可以減少更多腹部嘅內臟脂肪。
2. 降低癌症風險
內臟脂肪唔單只會增加患心臟血管疾病嘅風險，仲會增加患癌症嘅風險。
3. 穩定血糖
血糖水平控制得好意味住你患糖尿病嘅風險就會降低。如果你已經患有 2 型糖尿病，咁你就一定要喺日常鍛煉中加入重量訓練啦。
4. 加快新陳代謝
重量訓練有助鍛煉肌肉，而肌肉嘅代謝率比脂肪快 3 倍。此外，同帶氧運動相比，喺進行高強度重量訓練後嘅 72 小時內，你嘅身體會持續燃燒更多熱量。
5. 柔軟度更高
同普遍嘅既定印象相反，透過全方位嘅重量訓練係有助提高柔軟度。
6.骨骼更強壯
重量訓練除咗能夠令你擁有更強壯嘅肌肉，仲可以強化你嘅骨骼，有助預防同控制常發於女性身上嘅骨質疏鬆症。
7.預防認知能力下降
如果你想令大腦健康啲，以防認知能力隨住年齡下降，重量訓練可能會有幫助。
8. 更長壽
重量訓練可能有助延長壽命。一項研究表明，握力越強，死亡風險越低。
想做重量訓練但係唔知點開始？歡迎向我哋查詢私人教練／小組健身班，睇下點樣可以幫到你。
