喺追求健康同理想體態嘅路上，蛋白質絕對係你嘅好夥伴👯🏻♀️🤝🏻，增肌、減脂都幫到手！
眾所周知，蛋白質有助增肌同防止肌肉流失💪🏻，不過佢其實仲同新陳代謝息息相關，可以加快代謝、提高能量消耗🏃🏻♀️💨，從而促進脂肪燃燒，咁都係全賴TEF食物熱效應🔥，想知道咩嚟就即刻睇落去啦🔍，碌到最後仲有蛋白質嘅每日建議攝取量添🙌🏻！
蛋白質係一種由氨基酸組成嘅宏量營養素，係建構同修復人體組織（包括肌肉組織）必需嘅成分。
接下來就為你介紹蛋白質幫助促進新陳代謝嘅兩種方法。
1. 食物熱效應（TEF）
食物熱效應（TEF）係指將食物消化、吸收同代謝營養物質所需嘅能量。喺包括碳水化合物同脂肪在內嘅所有宏量營養素中，蛋白質嘅熱效應最高。
以下係消化每種宏量營養素所需嘅總能量（TEF熱效應）：
蛋白質 20%-30%
碳水化合物 5%-10%
脂肪 0%-3%
即係話每攝入 100 卡路里嘅蛋白質，就會消耗 20-30 卡路里。
只需要喺飲食中攝入更多蛋白質，就可以促進新陳代謝，而且仲唔需要做任何運動。
不過我地需要攝入更多蛋白質唔係淨係因為咁，下一個原因可以話對促進新陳代謝更為重要。
2. 增強同保持肌肉品質
蛋白質對建立同維持肌肉組織都好重要，因為肌肉組織喺靜止狀態下比其他組織燃燒更多嘅熱量。
但係當然前提係要配合埋重訓，先可以增到肌。所以重訓嘅同時，食多啲蛋白質，就可以增加同保持肌肉品質。
呢一點好重要，唔單只因為身型望落去更加靚，更加係因為同脂肪相比，肌肉可以幫助你喺休息時燃燒更多卡路里，想像下唔郁都燃燒到更多卡路里喎。
肌肉可以燃燒幾多卡路里？
肌肉每公斤*可燃燒 13.2 卡路里。
脂肪每公斤*可燃燒 4.4 卡路里。
*體重公斤
1 公斤肌肉喺靜止狀態下燃燒嘅熱量係 1 公斤脂肪嘅 300%。
即係話，相比起脂肪，每增加 1 公斤肌肉可以令能量消耗淨增加76%。
人體日常需要幾多蛋白質？
數字係根據體重每公斤計算。
最佳健康狀態：1.2 -1.6克／公斤
增加肌肉／防止肌肉流失：1.6 克 – 2.2 克／公斤
總之，喺均衡飲食嘅基礎上攝入充足蛋白質，可促進健康嘅新陳代謝，達到體重管理嘅效果。
