
新陳代謝同減重息息相關,如果淨係靠節食喺短時間內減肥🕒,喺體重下降嘅同時,基礎代謝率都會跟住降低⬇️,只要正常食返嘢就會肥番🥹,甚至越減越肥😱 箇中嘅原理你睇落去就知🤓,掌握咗咩係基礎代謝率,就唔會行咁多冤枉路啦🤕~
基礎代謝率(Resting Metabolic Rate)係指身體喺休息時維持呼吸、血液循環等基本功能,係新陳代謝所需嘅基本能量消耗。
你知唔知 RMR 佔你每日嘅能量消耗60-75%?想真正提高新陳代謝,就需要重量訓練幫你由根源改變。一齊睇下每個器官對 RMR 嘅貢獻,你就會知點解。
每個器官對整體基礎代謝率(RMR)嘅貢獻百分比
肝臟 | 27% |
骨骼肌 | 20-25% |
大腦 | 20% |
其他器官和組織(包括脂肪) | 10-16% |
腎臟 | 10% |
心臟 | 7% |
✅肝臟嘅貢獻率最高
器官每公斤消耗嘅卡路里
大腦 | 240 大卡/公斤 |
肝臟 | 200 大卡/公斤 |
心臟 | 440 大卡/公斤 |
腎臟 | 440 大卡/公斤 |
骨骼肌 | 13 大卡/公斤 |
脂肪組織(脂肪) | 4.5 大卡/公斤 |
其餘組織 | 12 大卡/公斤 |
✅以每公斤燃燒嘅卡路里嚟計算嘅話,心臟同腎臟係燃燒卡路里嘅主力軍。
雖然心臟同肝臟每公斤燃燒嘅卡路里最多,但我哋冇辦法顯著增加佢地嘅體積。不過好消息係,你可以透過重量訓練增加肌肉量,有助加快新陳代謝。
鍛煉肌肉係提高新陳代謝嘅關鍵。雖然骨骼肌每公斤燃燒嘅熱量可能低過心臟同腎臟,但你可以通過重量訓練大幅增加肌肉量。反觀肝臟或大腦等其他器官嘅體積就冇辦法明顯上升啦。
加快新陳代謝,仲有一樣嘢可以大幅增加嘅,你估唔估到係咩?係脂肪量!你可以選擇增加脂肪量嘅,不過斷估你都唔想用呢種方式。
其他注意事項
除咗重量訓練外,維持健康飲食以支持新陳代謝都好重要。
均衡飲食、攝入大量蛋白質有助增強同保持肌肉品質,而避免食用高度加工食品同過量糖分則有助防止體重增加。
如果你仲猶豫做唔做重訓,依加有哂充足嘅理由啦,記得要確保自己訓練嘅方向係啱嘅。如果有任何疑問,都歡迎向BC 24嘅教練查詢。