想知道自己係咪屬於肥胖🧐，最常見嘅分辨方法絕對非BMI莫屬。可能聽就聽得多啦👂🏻，但係呢啲數字嘅背後其實有好多限制🤔，所以BMI係冇辦法完全代表身體嘅健康狀態架🙅🏻♀️。即刻跟住我哋一探究竟，改變你對BMI嘅認知啦🫵🏻～
BMI (Body Mass Index) 身體質量指數係一種衡量是否超重嘅簡單方法，亦係測量脂肪嘅替代方法。體內過多嘅脂肪，唔單只會令體重過重，亦會損害心血管健康。BMI 之所以受歡迎，係因為它簡單易計，唔需要侵入式檢查。研究表明，BMI與體脂同未來健康風險密切相關。BMI值高嘅人會更容易患病或死亡。
BMI嘅計算方法：體重（公斤）/身高2（米2）
如何界定過輕／過重
對於 20 歲或以上嘅成年人：
| BMI | 體重狀態 |
| ≤ 18.5 | 過輕 |
| 18.5-24.9 | 健康 |
| 25.0-29.9 | 過重 |
| ≥ 30.0 | 嚴重肥胖 |
如果體重狀態達到過重或肥胖，咁患上心血管疾病嘅風險就會相對較高。然而，由於BMI存在限制，只靠BMI值嚟衡量你係咪超重唔一定準確。
BMI嘅限制
BMI冇考慮到嘅因素：
❌天生肌肉發達嘅人或訓練有素嘅運動員會有更多嘅肌肉，因此 BMI 值會更高。
❌女性嘅平均體脂高於男性，但BMI可能會與男性相同。
❌喺BMI相同嘅情況下，年輕人嘅體脂通常比老年人少。
仲有一個鮮為人知嘅小知識……
BMI標準不適用於亞洲人？
其實關於 BMI 標準適唔適用於亞洲人嘅爭論一直存在。研究表明亞洲人即使與白人擁有同等或較低嘅 BMI 值，患代謝症候群嘅風險卻更高。
有可能係因為喺同樣BMI值下，亞洲人嘅肌肉品質較白人差。
其他體脂衡量法
雖然 BMI 係衡量身體脂肪含量嘅一種簡便方法，但係如果你想清楚知道自己嘅身體脂肪含量，就需要選擇：
✔️DEXA 掃描（設於醫院）
✔️水底稱重（於泳池中進行）
✔️或者最簡單就係嚟BC 24 進行InBody 評估
InBody評估方便簡單，可以檢查自己嘅真實體脂水平，評估心血管健康風險。歡迎 BC 24 會員聯絡我哋做InBody評估。
