正所謂有始就要有終，除咗運動前要熱身🔥，提升身體嘅靈敏度⚡，運動後都要靠伸展舒緩全身肌肉💪🏻，亦即係我哋俗稱嘅「收操」。
可能你會以為運動前熱身就係靜態拉下筋🧎🏻♀️，拉得越耐熱身就越充足，但係原來大錯特錯🥹近年更加有研究顯示，運動前做靜態伸展會令肌肉組織減低力量輸出，影響運動表現添啊😱！想知道運動前後應該做咩伸展動作就睇落去啦🔍～
進行邊個類型嘅伸展、拉伸嘅順序同持續幾耐都非常重要。
如果做得唔啱，就會影響運動表現，增加受傷風險。
動態伸展 VS 靜態伸展
動態伸展
透過動態動作，令肌肉喺伸展過程中達到完整嘅活動度，並唔會長時間維持拉伸狀態。
靜態伸展
將肌肉拉伸到極限，維持一段時間。
動靜態伸展使用時機
鍛煉前
淨係做動態伸展
或者
先做靜態伸展，再做動態伸展，身體做好準備可以提升運動表現。
鍛煉期間
動態伸展 或者 靜態伸展
⚠注意：兩組動作之間休息時，每個肌群維持拉伸嘅時間唔好超過 30 秒。如果維持時間過長，可能會影響你嘅力量，同時增加受傷嘅風險。
鍛煉後
進行靜態伸展，以提高恢復能力同柔軟度，仲有助於釋放安多酚，令你心情愉悅。
