碳水化合物係人體能量嘅最主要來源🔥🔋，但正正因為咁，好多人都會對碳水化合物產生誤解💭，一聽到就倒退三步😨，唔敢食太多，甚至想戒斷哂碳水化合物🙅🏻♀️，但係因為呢種減肥方法唔容易執行，好難長時間維持😪。
依加有個好消息話你知🥳，其實減肥依然都可以食澱粉架，增肌就更加唔少得💪🏻！
碳水化合物係同蛋白質、脂肪並列嘅三大營養素之一。例子：
| 飯 | 糖 |
| 意粉 | 水果 |
| 麵 | 蔬菜 |
碳水化合物每克有 4 卡路里。除咗膳食纖維，所有碳水化合物對人體都係非必需嘅。即係話，其實冇碳水化合物你都可以「生存」到。
留意係「生存」，而唔係健康成長，因為碳水化合物係身體運作所需嘅主要燃料。如果你嘅目標係增肌或者提高運動表現，呢一點尤其重要。
成日都話減肥食碳水化合物唔好，就係源自碳水化合物-胰島素理論（Carbohydrate-Insulin Model）。
CIM 理論認為，大量進食由碳水化合物和精緻糖組成嘅食物會導致荷爾蒙產生變化，胰島素「飆升」，從而：
➡️增加脂肪儲存
➡️減少脂肪燃燒
➡️增加饑餓感
➡️減少卡路里燃燒
然而，胰島素喺每餐之後都會飆升，呢個係正常嘅自然反應，反而係件好事。因為如果你嘅胰島素喺進食後冇增加到，就代表身體出咗問題。
此外，導致胰島素飆升嘅唔單只係碳水化合物。有啲蛋白質甚至比高碳水化合物嘅食物更容易令胰島素飆升。例如：
牛肉同魚釋放嘅胰島素同糙米係一樣多。
意粉（白色或啡色）同燕麥片每卡路里釋放嘅胰島素係少過芝士、牛肉同魚。
喺一項對照研究中，17 名過重、肥胖嘅參與者喺一間醫院入面逗留咗2 個月。
第一個月，接受高糖低碳水化合物飲食。去到第二個月，就改為熱量同蛋白質含量相同嘅低碳水化合物飲食。
比較兩種飲食喺減脂方面嘅表現，研究表明低碳水化合物飲食喺減脂方面冇特別幫助。
事實上，低碳水化合物飲食需要整整 28 日（第二個月）先能夠達到高糖碳水化合物飲食 15日（第一個月）嘅減脂量。
順帶一提，高糖碳水化合物飲食餐單甚至根本唔係為減脂而設計，但係喺最初 15 日入面，佢嘅減脂效果仍然好過低碳水化合物飲食。
結論係，低碳水化合物同低胰島素唔會加快你嘅減脂速度。
